نیویارک: انٹرنیٹ کی سب سے بڑی کمپنی نے اپنے صارفین کے لیے گوگل میپس میں نیا فیچر شامل کردیا۔
بین الاقوامی میڈیا رپورٹ کے مطابق گوگل کی جانب سے چند ہفتے قبل گوگل میپس پر ٹریفک سے متعلق معلومات مہیا کرنے کا فیچر شامل کیا گیا، جس کا مقصد صارفین کو سڑکوں پر ٹریفک کی روانی سے آگاہ رکھنا تھا۔
گوگل نے دو روز قبل خاموشی سے گوگل میپس پر ایک اور ایسا فیچر شامل کر دیا جس سے صارفین کو مزید آسانی ہوجائے گی۔
گوگل میپس میں شامل کیے جانے والے اس فیچر کو ’نیو سکوائر انڈیکیٹر‘ کا نام دیا گیا ہے، جس کے ذریعے صارف کو منتخب کردہ راستے کے آس پاس موجود اہم عمارتوں، کاروبار، ریستورانوں وغیرہ کے متعلق معلومات موبائل کی اسکرین پر فراہم کی جائیں گی۔
مزید پڑھیں: گوگل میپ استعمال کرنے والوں کے لیے خوش خبری
اس فیچر سے قبل جب صارفین گوگل میپس کے ذریعے سفر کرتے تھے تو انہیں اسکرین پر اپنی منزل کی طرف جاتا ہوا راستہ اور چند اضافی اشیا نظر آتی تھیں۔
اس فیچر کے بعد صارفین کو اپنے راستے کے اردگرد موجود اہم مقامات، عمارتوں، بازار اور ریستورنٹس کی معلومات ایپ پر ملتی رہیں گی۔
گوگل میپ کا استعمال
گوگل میپ کے ذریعےکسی بھی جگہ کی ٹھیک ٹھیک نشاندہی کی جاسکتی ہے، اگر آپ کسی ایڈریس سمجھانا چاہتے ہیں تو گوگل میپ سے متعلقہ جگہ کا لنک لے کر اُسے ارسال کردیں۔ اس کا طریقہ کار بہت ہی آسان ہے۔
یہ بھی پڑھیں: کس گلی میں اندھیرا ہے اور کہاں روشنی؟ گوگل بتائے گا
اسی طرح آپ کسی ایڈریس پر جانا چاہتے ہیں تو سب سے پہلے اپنے موبائل کو انٹرنیٹ سے منسلک کریں اور پھر لوکیشن آن کر کے نظر آنے والی بار میں ایڈریس درج کردیں، راستے میں آنے والے موڑ، و دیگر چیزوں کی گوگل خود نشاندہی کرے گا۔
