ویب ڈیسک : حیدرآباد ہائی وے پر ایک بڑا حادثہ پیش آیا ہے جس میں دو ٹرالر آپس میں ٹکرا گئے ہیں۔
تفصیلات کے مطابق لونی کوٹ ایم نائن موٹروے پر دو ٹرالر آپس میں ٹکرا گئے ہیں جس کے نتیجے میں ایک ٹرالر الٹ گیا ہے اور ہائی وے پر ٹریفک بھی معطل کردیا گیا ہے۔
ایک الٹ جانے والے ٹرالر میں ڈرائیور اور کنڈیکٹر پھنس گئے ہیں جبکہ حادثے کا شکار ٹرالر سے عملے کو نکالنے کی کوششیں جاری ہیں اور دوسری جانب ایم نائن پر موٹروے پولیس ٹریفک بحال کرنے میں مصروف ہیں۔
حادثے کے حوالے سے ریسکیو حکام کا کہنا ہے کہ حادثے کے شکار ٹرالر میں دبے ڈرائیور اور کلینر جاں بحق ہوگئے ہیں جبکہ دونوں کی لاشیں نکال کر کوٹری تعلقہ اسپتال منتقل کردیں گئی ہیں۔
ریسکیو حکام نے بتایا ہے کہ جاں بحق ڈرائیور کی شناخت شیراز جبکہ کلینر کی شناخت عرفان کے طور ہوئی ہے جبکہ حادثے میں ایک ٹرالر کا ڈرائیور زخمی ہوا ہے۔
