لاہور(ویب ڈیسک) صوبائی وزیر تعلیم مراد راس کی اپنوں پر غیر قانونی نوازشات، محکمہ سکول ایجوکیشن کو کماﺅ پوت بنالیا۔ محکمہ سکول ایجوکیشن میں سینکڑوں غیر قانونی تعیناتیوں کا انکشاف محکمہ ایس اینڈ جی اے ڈی کے قواعد و ضوابط کی دھجیاں بکھیر دی گئیں۔ وزیر تعلیم کی جانب سے سیکرٹری سکول ایجوکیشن کو محکمہ کے ملازمین کی تعیناتیوں میں اکھاڑ پچھاڑ نہ کرنے کا حکم، ذرائع نے بتایا کہ محکمہ سکول ایجوکیشن نے صوبائی وزیر تعلیم مراد راس کے حکم کو مانتے ہوئے ایس اینڈ جی اے ڈی کے احکامات کو نظر انداز کردیا ہے۔ جس کے مطابق محکمہ سکول ایجوکیشن میں ٹیکنیکل سیٹوں پر صرف 20 فیصد ملازمین کو تعینات کیا جاسکتا ہے۔ مگر حکمہ سکول ایجوکیشن میں 70 فیصد سکول ٹیچرز کو ٹیکنیکل سیٹوں پر براجمان ہیں جو کہ محکمہ ایس اینڈ جی اے ڈی کے احکامات کی کھل کھلا خلاف ورزی ہے۔
