کابل ، واشنگٹن ، اسلام آباد ( نیوز ایجنسیاں) امریکی اور اتحادی افواج نے کابل کے ہوائی اڈے کے فوجی حصے کے داخلی دروازے سمیت تین دروازوں کا کنٹرول طالبان ارکان کے حوالے کر دیا ہے۔
طالبان حکومت نے ترکی اور قطر کع کابل ائیر پورٹچلانے کیلئے تکنیکی مدد فراہم کرنے کی درخواست کی ہے : قطری اخبار
طالبان کا کہنا ہے کہ کابل ایئر پورٹ کا مکمل کنٹرول سنبھالنے کے لیے امریکی اشارے کا انتظار کر رہے ہیں۔
طالبان کے اعلیٰ عہدیدار نے نام نہ ظاہر نہ کرنے کی شرط پر بتایا ہے کہ ہماری ٹیکنیکل ٹیم اور انجینیئرز کابل ایئرپورٹ کا انتظام سنبھالنے کے لیے مکمل طور پر تیار ہیں، بس امریکی اشارے کا انتظار ہے۔
طالبان عہدیدار کا یہ بھی کہنا تھا کہ 31 اگست کی حتمی تاریخ کو غیر ملکی شہریوں کے انخلا کا عمل مکمل ہوتے ہی امریکا سے کابل ایئرپورٹ کا کنٹرول لے لیں گے جس کے لیے ہماری تیاری مکمل ہے۔
افغانستان میں آمد و رفت کے لیے استعمال ہونے والے کابل میں واقع واحد عالمی ہوائی اڈے ’’حامد کرزئی انٹرنیشنل ایئرپورٹ‘‘ کی غیرملکی افواج کے جانے کے بعد سے سیکیورٹی اور آپریشنل انتظامات ترک فوج کے حوالے کرنا تھا۔
جس کے لیے امریکی اور ترک صدور کے درمیان بات چیت بھی ہوئی تھی تاہم ترکی کابل ایئرپورٹ کا انتظام سنبھالنے کے لیے ہونے والے اخراجات کے حوالے سے اپنے خدشات دور نہ ہونے کا اظہار کیا تھا۔
دوسری جانب طالبان نے بھی ترکی سے ایئرپورٹ کا انتظام سنبھالنے کی درخواست کی تھی جس پر ترک صدر کا کہنا تھا کہ طالبان کی درخواست پر فی الحال کوئی فیصلہ نہیں کیا ہے۔
