لاہور: (ویب ڈیسک) پاکستان اور آسٹریلیا ٹیسٹ سیریز شیڈول میں ردوبدل سامنے آ گیا ہے، ٹیسٹ سیریز کا آغاز اب کراچی کی بجائے راولپنڈی سے ہو گا۔
تین ٹیسٹ میچز پر مشتمل سیریز کے پہلے میچ کی میزبانی پنڈی کرکٹ سٹیڈیم کرے گا، دوسرا ٹیسٹ کراچی اور آخری ٹیسٹ لاہور میں کھیلا جائے گا، ابتدائی شیڈول کے مطابق ٹیسٹ سیریز کا آغاز کراچی سے 3 مارچ کو ہونا تھا۔
24 سال بعد پاکستان کا دورہ کرنے والی آسٹریلوی ٹیم سیریز میں ٹیسٹ سیریز کے ساتھ ساتھ تین ون ڈے اور ایک ٹی ٹونٹی میچ بھی کھیلے گی، ون ڈے اور ٹی 20 میچز بھی راولپنڈی میں ہی کھیلے جائیں گے۔
