فن لینڈ:(ویب ڈیسک) فن لینڈ نے مسلسل پانچویں بار دنیا کے سب سے خوش ملک اور قوم ہونے کا اعزازحاصل کر لیا۔
اقوام متحدہ کی جانب سے جاری کی گئی ورلڈ ہیپینس رپورٹ میں سب سے زیادہ خوش اور ناخوش ممالک کی درجہ بندی کی گئی۔ جس کے تحت سب سے خوش اورمطمئن ممالک میں پہلا نمبرفن لینڈ نے حاصل کیا۔
پانچ برس قبل 2018 میں فن لينڈ کو پہلی مرتبہ سب سے خوش ملک و قوم قرار ديا گياتھا۔ فن لينڈ کے جنگلات، وہاں عوام کو ميسر پبلک سروسز کا بلند معيار، حکام پر مکمل اعتماد، شفافيت اور جرائم اور عدم مساوات کی انتہائی کم شرح اس ملک کی خصوصیات میں شامل ہیں۔
فن لينڈ کے بعد ڈنمارک دوسرے اور آئس لينڈ تيسرے نمبر پر ہے۔ ان کے بعد سوئش اور ڈچ آتے ہيں۔ امريکا تين پوزيشن کی بہتری کے ساتھ سولہويں نمبر پر قرار رہا۔ برطانيہ سترويں پر جبکہ فرانس بيسويں پوزيشن پر رہا۔
خوش ترین ممالک کی ریٹنگ میں پاکستان نے بھارت کو پیچھے چھوڑ دیا۔ رپورٹ کے مطابق خوش ترین ممالک کی فہرست میں پاکستان 121 جبکہ بھارت 136 ویں نمبر پر موجود ہے۔
افغانستان 146 ممالک کی فہرست ميں سب سے نچلی پوزيشن پر رہا۔ واضح رہے کہ افغانستان میں طالبان کی حکومت آنے کے بعد سے وہاں کے عوام شدید مالی مشکلات کا شکار ہیں۔ جبکہ جنگ زدہ لبنان بھی افغانستان سے ایک نمبر اوپر ہے۔
