ن لیگ کی طرف سے جلسوں کی ابتدا جلد الیکشن کی ایک کڑی ہے: شیخ رشید

لاہور: (ویب ڈیسک) شیخ رشید نے کہا ہے کہ ن لیگ کی طرف سے جلسوں کی ابتدا جلد الیکشن کی ایک کڑی ہے، دو ووٹوں کی اکثریتی حکومت دو ماہ میں ہی سیاسی طور پر ختم ہو جائے گی۔
سربراہ عوامی مسلم لیگ شیخ رشید نے سماجی رابطے کی ویب سائٹ پر ٹویٹ کرتے ہوئے کہا کہ امید ہے آج عمران خان میانوالی جلسے میں لانگ مارچ کی تاریخ کا اعلان کریں گے، پھر لگ پتہ جائے گا سیاست آر ہوگی یا پار، بہتر یہی ہے 31 مئی سے پہلے نئے انتخابات کا اعلان کر دیا جائے۔
شیخ رشید کا کہنا تھا کہ سامراجی مراسلہ عمران خان کی حکومت ختم کرنے کے خلاف سازش تھا، حکومت اس مراسلے کو بے بنیاد اور جعلی قرار دیتے تھی، حکومت خود اپنے بیانیے کیخلاف تحقیقاتی کمیشن بنانے کا اعلان کر رہی ہے، عمران خان جوڈیشل کمیشن کا مطالبہ کر رہا ہے، یہ بات ثابت ہوگئی کہ مداخلت سازش سے ذیادہ خطرناک ہوتی ہے، جس طرح انگریز نے برصغیر میں مداخلت کی تھی۔