سوناکشی سنہا نوجوان اداکار ظہیر اقبال کی محبت میں مبتلا؟اداکار کا موقف بھی آگیا

ممبئی : (ویب ڈیسک) بالی ووڈ کے ابھرتے ہوئے اداکار ظہیر اقبال نے اداکارہ سوناکشی سنہا سے معاشقے کی خبروں کو افواہ قرار دے دیا۔
میڈیا رپورٹ کے مطابق اداکار ظہیر اقبال نے وضاحت پیش کی ہے کہ میرے اور سوناکشی کے قریبی اور گہرے تعلقات کی باتیں من گھڑت ہیں، اب مجھے اس طرح کی جھوٹی خبروں کا کوئی اثر بھی نہیں ہوتا، افواہ پھیلانے والوں کو یہ سوچ کر خوشی ہوتی ہے کہ میرا اداکارہ سے کوئی چکر ہے تو وہ یہ حقیقت سمجھ کر سوچتیں رہیں جو ان کے لیے بہتر ہے۔ظہیر کا کہنا تھا کہ اگر کسی کو سوناکشی اور میرے تعلقات کا سن کر دکھ ہوا ہے تو براہ کرم وہ ایسی جھوٹی خبریں نہ پھیلائیں۔
اپنے ایک انٹرویو کے دوران اداکار نے بتایا کہ مجھے سلمان خان ہمیشہ سے نصیحت کرتے آئے ہیں کہ بالی ووڈ میں ایسی باتیں پھیلتی ہیں، ہمیں بس من گھڑت باتوں پر توجہ نہیں دینا چاہیے۔خیال رہے کہ سوناکشی کے مداحوں کو ان کی نئی فلم ’ہاری ہارا ویرا ملو‘ کا بے صبری سے انتظار ہے۔