سونے کی قیمت میں یکدم بڑا اضافہ

کراچی: (ویب ڈیسک) ملک بھر میں ایک مرتبہ پھر سونے کی قیمت میں یکدم بڑا اضافہ دیکھا گیا۔
تفصیلات کے مطابق عالمی مارکیٹ میں فی اونس سونے کی قیمت میں چودہ امریکی ڈالر کی گراوٹ دیکھی گئی اور نئی قیمت 1799 ڈالر فی اونس ہوگئی ہے۔
تاہم عالمی مارکیٹ میں قیمتیں کم ہونے کے باوجود ملکی صرافہ مارکیٹوں میں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، راولپنڈی، فیصل آباد سمیت دیگر جگہوں پر فی تولہ سونے کی قیمت میں 700 روپے کا بڑا اضافہ دیکھا گیا اور نئی قیمت ایک لاکھ 36 ہزار 600 روپے ہو گئی ہے۔
یہ پاکستان میں سونے کی اب تک کی بلند ترین قیمت ہے۔
اُدھر 10 گرام سونے کی قیمت 600 روپے بڑھ کر ایک لاکھ 17 ہزار 112 روپے ہوگئی ہے۔