قطر : (ویب ڈیسک) سعودی عرب فٹبال ٹیم کے کپتان سلمان الفراج انجری کے باعث ورلڈ کپ سے باہر ہو گئے۔
عالمی خبر رساں ادارے کے مطابق سعودی عرب کے کپتان سلمان الفراج ارجنٹائن کے خلاف میچ میں شدید زخمی ہونے کے بعد انجری کا شکار ہیں۔
انجری کے باعث فٹبال ٹیم کے کوچ ہیرو رینارڈ نے کپتان سلمان الفراج کو اگلے میچ کے تربیتی کیمپ سے رخصت دی گئی ہے۔
میڈیکل ٹیم نے بھی معائنے کے بعد سلمان الفراج کو ورلڈ کپ کے آئندہ میچز کے لیے فٹ قرار نہیں دیا۔
سلمان الفراج زخمی ہونے کے بعد اب مکمل بحالی کے پروگرام سے گزریں گے۔ جس کے باعث وہ قطر میں جاری فیفا ورلڈ کپ کے باقی میچ نہیں کھیلیں گے۔
