برلن: (ویب ڈیسک) مچھر کے کاٹنے کے ایک غیر معمولی واقعے میں جرمن شخص کوما میں چلا گیا اور اس کی 30 سرجریاں کی گئیں۔
غیر ملکی میڈیا رپورٹس کے مطابق مچھر کا کاٹا پریشان کن ہوسکتا ہے اور بعض اوقات سنگین انفیکشن کا سبب بھی بن سکتا ہے لیکن جرمنی کے روڈرمارک کے رہائشی 27 سالہ سیباسٹین روٹسکے کو ایک نایاب اور جان لیوا تجربے کا سامنا کرنا پڑا۔
ابتدائی طور پر وہ 2021 میں اس وقت فلو اور ہلکے بخار کا شکار ہوئے جب انہیں ایک ایشین ٹائیگر مچھر نے کاٹا لیکن کچھ عرصے بعد انفیکشن مزید بڑھ گیا۔
روٹسکے 30 سرجریوں سے گزرے، اس کب دو انگلیاں جزوی طور پر کاٹ دی گئیں اور چار ہفتوں سے کوما میں تھے۔
انہوں نے کہا کہ ان کے ڈاکٹروں کو جلد ہی پتہ چلا کہ ایشین ٹائیگر مچھر کا کاٹا ان تمام بیماریوں کی وجہ ہے۔
اس جان لیوا انفیکشن سے گزرنے کے بعد روٹسکے نے کہا کہ چھوٹا سا ڈنک بھی جان لیوا ثابت ہو سکتا ہے، اس لیے اس سے پہلے کہ چیزیں آپ کے ہاتھ سے نکل جائیں ڈاکٹر کے پاس جائیں۔
مچھر کے کاٹنے سے ایک شخص کی 30 سرجریاں، کوما میں چلا گیا
