بیٹری پر چلنے والا وائر لیس سمارٹ ٹی وی تیار

لاس ویگاس: (ویب ڈیسک) امریکا میں تیار وائرلیس ٹی وی کو لاس ویگاس میں کنزیومر الیکٹرونکس شو کے موقع پر متعارف کرایا گیا ہے۔
نجی امریکی الیکٹرانکس کمپنی کے اس ٹی وی میں بیٹری سے پاور فراہم کی گئی ہے، 4 بیٹریوں والا یہ ٹی وی سنگل چارج پر ایک ماہ چل سکتا ہے اگر اسے دن میں 6 گھنٹے چلایا جائے تو ایک ماہ بعد اسے دوبارہ چارج کرنے کی ضرورت ہو گی۔
ٹی وی میں ایکٹیو لوپ ویکیوم ٹیکنالوجی کا استعمال بھی کیا گیا ہے جس کی مدد سے ٹی وی کو کسی بھی سطح پر رکھ کر چلایا جاسکتا ہے۔
اس ٹی وی کی ایک اور خصوصیت یہ بھی ہے کہ اس کیلئے ریموٹ کنٹرول کی بھی ضرورت نہیں ہو گی بلکہ ہاتھوں کے اشاروں سے چینل چینج ہو سکے گا۔
ٹی وی کے اوپری حصے میں ایک کیمرا نصب کیا گیا ہے، کمپنی کے مطابق یہ ٹی وی 2023 کے آخر تک فروخت کے لیے پیش کر دیا جائے گا جس کی قیمت 3 ہزار ڈالرز ہوگی۔