ایتھنز: (ویب ڈیسک) یونان میں 200 باورچیوں کی ایک ٹیم نے سالِ نو کے موقع پر تقریباً 5000 کلو وزنی ویسیلوپِٹا نامی روایتی کیک بنا کر گینیز ورلڈ ریکارڈ بنانے کی کوشش کی۔
سالِ نو کی شام پر بنائے جانے والے اس کیک کے لئے ایتھنز اور نواحی علاقوں کی بیکریوں کے درجنوں پکوانوں نے شرکت کی، تیار ہونے والے کیک کو ایتھنز کے مضافاتی علاقے پیریسٹیری کی ایک گلی میں رکھا گیا۔
5000 کلو وزنی اس کیک کو بنانے کے لئے 3991.6 کلو آٹا، تقریباً 1995.8 کلو مکھن، 997.9 کلو چینی،49.8 کلو کوگنیک، 2000 انڈے، 1500 نارنگی اور 4 ڈبے وینیلا استعمال کیا گیا۔
منتظمین کے مطابق اس وزنی کیک کو گینیز ورلڈ ریکارڈ کے لئے جمع کرا دیا گیا ہے تاہم، ادارے کی جانب سے سب سے بڑا ویسیلوپِٹا قرار دیا جانا ابھی باقی ہے۔
بعد ازاں کیک کو 50 ہزار ٹکڑوں میں کاٹ کر تقریب کے شرکاء میں تقسیم کر دیا گیا۔
5 ہزار کلو وزنی کیک بنا کر گینیز ورلڈ ریکارڈ بنانے کی کوشش
