لندن: (ویب ڈیسک) برطانیہ کی سرزمین سے پہلی خلائی پرواز 9 جنوری کو روانہ ہوگی۔
ورجین آربٹ نے اعلان کیا ہے کہ برطانیہ کا تاریخی اسٹارٹ می اپ نامی مشن 9 جنوری کی شب 10 بج کر 16 منٹ (پاکستانی وقت کے مطابق 10 جنوری کی شب 3 بج کر 16 منٹ) پر زمین کے مدار کے لیے روانہ کیا جائے گا۔
اگر کسی تکنیکی مسئلے یا خراب موسم کے باعث مشن بھیجنا ممکن نہ ہوسکا تو جنوری میں ہی اسے کسی اور دن لانچ کیا جائے گا۔
برطانیہ کی سول ایوی ایشن اتھارٹی نے دسمبر 2022 میں ورجین آربٹ کے لیے خلائی مشن بھیجنے کا لائسنس جاری کیا تھا۔
ورجین آربٹ اس مشن کے لیے یو کے اسپیس ایجنسی (یو کے ایس اے)، رائل ائیر فورس اور کورن وال کونسل کے ساتھ ملکر کام کررہی ہے۔
یہ ورجین آربٹ کا پہلا بین الاقوامی لانچ مشن ہوگا جبکہ مغربی یورپ کا پہلا کمرشل خلائی مشن بھی ہے۔
اس لانچ کے لیے کاسمک گرل نامی بوئنگ 747 طیارہ کور ن وال ائیرپورٹ کے اسپیس پورٹ سے پرواز کرے گا جس کے ونگز کے نیچے ورجین آربٹ کا لانچر ون راکٹ موجود ہوگا۔
آئرلینڈ کے جنوب میں 35 ہزار فٹ کی بلندی پر یہ راکٹ طیارے سے ریلیز کیا جائے گا۔
اس مشن میں 7 سیٹلائیٹس کو زمین کے مدار پر پہنچایا جائے گا۔
برطانیہ کی پہلی خلائی پرواز 9 جنوری کو روانہ ہوگی
