امریکی سائنس دانوں نے دعویٰ کیا ہے کہ ایک وھیل نے ان سے 20 منٹ تک گفتگو کی۔ سائنس دانوں کے مطابق جنوب مشرقی الاسکا میں 38 سالہ وھیل نے پہلے سے ریکارڈ کی ہوئی ٹیلی فون کال کا جواب دیا۔
خصوصی تحقیق مشن کے تحت کام کرنے والے امریکی سائنس دانوں کا یہ دعویٰ کسی سائنس فکشن فلم کی کہانی جیسا لگتا ہے۔ وھیل نے جب سائنس دانوں کی پہلے سے ریکارڈ کی ہوئی کال سنی تو ان کی کشتی کے قریب آگئی اور خوش ہوکر اپنی زبان میں جواب دیا۔
میڈیا رپورٹس کے مطابق ٹوئین (Twain) نامی وھیل نے ایس ای ٹی آئی انسٹیٹیوٹ اور یو سی ڈیوس کے محققین سے 20 منٹ تک بات کی۔
محققین کا کہنا ہے کہ یہ پہلا موقع ہے کہ وھیل اور انسانوں کے درمیان ان کی اپنی زبان میں گفتگو ہوئی ہے۔
ماہرین نے اس کامیاب تجربے کی بنیاد پر کہا ہے کہ اب روئے ارض پر موجود دیگر جانداروں سے بھی گفتگو ممکن بنائی جاسکتی ہے کیونکہ حیوانات سے گفتگو سے متعلق کوششوں میں یہ بڑی کامیابی ہے۔
