تازہ ترین اعداد و شمار میں بتایا گیا ہے کہ 2024 میں عالمی سطح پر نیوکلیئراور قابلِ تجدید ذرائع سے مجموعی توانائی کے 40 فی صد سے زیادہ حصے کی پیداوار کر کےاہم سنگِ میل عبور کیا گیا ہے۔
توانائی کے تھنک ٹینک ایمبر کی جانب سے جاری ہونے والی رپورٹ میں بتایا گیا کہ نیوکلیئر، سولر، ونڈ اور دیگر قابلِ تجدید ذرائع سے دنیا کی توانائی کے 40.9 فی صد حصے کی پیداوار ہوئی جبکہ 858 ٹیرا واٹ آور کی ریکارڈ مقدار انرجی سپلائی میں شامل کی گئی۔
ایمبر نے تازہ ترین گلوبل الیکٹرسٹی ریویو میں یورپ کو شفاف توانائی کی جانب منتقل ہونے والا سب سے بڑا فریق قرار دیتے ہوئے بتایا کہ برِاعظم کی 71 فی صد بجلی توانائی کے شفاف ذرائع سے بنائی گئی۔
اس ضمن میں سب سے زیادہ اضافہ شمسی توانائی کے ذریعے ہوا۔ گزشتہ تین برسوں میں یورپی یونین میں کوئلے سے بننے والی بجلی کو پیچھے چھوڑنے کے لیے شمسی توانائی کے سسٹم میں دُگنا اضافہ ہوا ہے۔
رپورٹ کے مطابق سولر فارم لگاتار 20 ویں سال دنیا میں تیزی سے بڑھنے والے توانائی کا ذریعہ قرار دیے گئے۔ اعداد و شمار کے مطابق 2024 میں گلوبل انرجی سسٹم میں تقریباً 7 فی صد حصہ شمسی توانائی کا تھا۔
