عالمی اور مقامی مارکیٹوں میں سونے کی قیمت میں آج بھی اضافہ ریکارڈ کیا گیا، جس کے باعث قیمتیں نئی بلند سطح پر پہنچ گئی۔
بین الاقوامی بلین مارکیٹ میں فی اونس سونے کی قیمت میں 28 ڈالر کا اضافہ ہوا، جس کے بعد سونے کی نئی عالمی قیمت 4 ہزار 560 ڈالر فی اونس ہو گئی ہے۔
عالمی مارکیٹ کے اثرات کے تحت مقامی صرافہ بازاروں میں بھی سونے کی قیمتوں میں نمایاں اضافہ دیکھنے میں آیا، فی تولہ سونا 2 ہزار 800 روپے مہنگا ہو کر 4 لاکھ 78 ہزار 762 روپے کی سطح پر پہنچ گیا ہے، اسی طرح 10 گرام سونے کی قیمت میں 2 ہزار 401 روپے کا اضافہ ہوا، جس کے بعد نئی قیمت 4 لاکھ 10 ہزار 461 روپے ہو گئی ہے۔
دوسری جانب چاندی کی قیمت میں بھی اضافہ ریکارڈ کیا گیا، عالمی مارکیٹ میں فی اونس چاندی 73 ڈالر تک پہنچ گئی، جبکہ مقامی مارکیٹ میں فی تولہ چاندی 260 روپے اضافے کے بعد 7 ہزار 784 روپے اور فی 10 گرام چاندی 223 روپے مہنگی ہو کر 6 ہزار 673 روپے ہو گئی ہے۔
