نیویارک اورنیوجرسی میں شدیدترین گرمی کا الرٹ:ہیٹ انڈیکس103ڈگری تک جانےکاخدشہ،ہفتہ کی رات تک’ہیٹ ایڈوائزری‘نافذ
نیویارک (ویب ڈیسک): امریکی محکمۂ موسمیات (National Weather Service – NWS) کے مطابق نیویارک سٹی اور سینٹرل نیو جرسی میں شدید اور حبس زدہ گرمی کا سلسلہ اختتامِ ہفتہ (ویک اینڈ) پر بھی برقرار رہے گا۔
محکمۂ موسمیات نے حالات کی نزاکت کے پیشِ نظر ہفتہ کی رات 8:00 بجے تک تمام نیویارک سٹی، لانگ آئی لینڈ، اور نیو جرسی کے اضلاع پاسائک، ہڈسن، برگن، یونین، سمرسیٹ، مڈل سیکس، مونموتھ، اوشن، اور مرسر (Mercer) کے لیے باضابطہ ’ہیٹ ایڈوائزری‘ (Heat Advisory) جاری کر دی ہے
ماہرینِ موسمیات کا کہنا ہے کہ شدید درجہ حرارت اور ہوا میں نمی کے تناسب (حبس) کا ملاپ ان تمام علاقوں میں ہیٹ انڈیکس (شدتِ حرارت) کو 100 سے 103 ڈگری فارن ہائیٹ تک لے جائے گا۔
مقامی حکام نے شہریوں سے اپیل کی ہے کہ گرمی اور ہیٹ اسٹروک کے خطرات سے بچنے کے لیے درج ذیل حفاظتی تدابیر اختیار کریں:
ہلکے، کھلے اور ہلکے رنگ کے کپڑے پہنیں۔
زیادہ سے زیادہ پانی اور سیال اشیاء پیئیں تاکہ پانی کی کمی نہ ہو۔
ضرورت کے بغیر دھوپ میں نکلنے سے گریز کریں اور زیادہ سے زیادہ وقت ایئر کنڈیشنڈ کمروں میں گزاریں۔
بزرگ رشتہ داروں، بچوں اور پڑوسیوں کی باقاعدگی سے خیر خیریت معلوم کرتے رہیں۔
