انٹرنیشنل کرکٹ کونسل (ICC) قذافی اسٹیڈیم کو بڑا ریلیف دیتے ہوئے اس کی پچ پر عائد ایک ڈی میرٹ پوائنٹ واپس کی جانب سے دائر کی گئی اپیل پر غور کے بعد کیا گیا۔
قذافی اسٹیڈیم کی پچ کو 4 جون 2026 کو پاکستان اور آسٹریلیا کے درمیان کھیلے گئے تیسرے ون ڈے کے بعد آئی سی سی نے ’’Unsatisfactory‘‘ قرار دیتے ہوئے ایک ڈی میرٹ پوائنٹ دیا تھا۔ میچ میں آسٹریلیا 157 رنز پر آؤٹ ہوا جبکہ پاکستان نے 4 وکٹوں سے کامیابی حاصل کرکے سیریز 2-1 سے اپنے نام کی تھی۔
ابتدائی رپورٹ میں میچ ریفری گریمی لا بروئے نے پچ کو سست اور کم باؤنس والی قرار دیتے ہوئے کہا تھا کہ اس پر رنز بنانا مشکل تھا اور اس نے ابتدائی مرحلے سے ہی اسپنرز کو مدد فراہم کی۔
اپیل پر کیا فیصلہ ہوا؟
PCB کی اپیل کے بعد آئی سی سی کے اپیل پینل نے میچ کی ویڈیو فوٹیج، میچ ریفری کی رپورٹ اور دونوں کپتانوں کے تبصرے کا تفصیلی جائزہ لیا۔ پینل نے قرار دیا کہ پچ میں ضرورت سے زیادہ ناہمواری یا غیر معمولی اسپن موجود نہیں تھی، اس لیے اسے ’’Unsatisfactory‘‘ قرار دینے کا فیصلہ برقرار نہیں رکھا جاسکتا۔
نتیجتاً قذافی اسٹیڈیم سے ایک ڈی میرٹ پوائنٹ مکمل طور پر ختم کردیا گیا اور اب لاہور کا یہ تاریخی کرکٹ گراؤنڈ صفر ڈی میرٹ پوائنٹس کے ساتھ موجود ہے۔
ڈی میرٹ پوائنٹس کا نظام کیا ہے؟
آئی سی سی کے قوانین کے مطابق ’’Unsatisfactory‘‘ پچ پر ایک ڈی میرٹ پوائنٹ جبکہ ’’Unfit‘‘ قرار دی جانے والی پچ پر تین ڈی میرٹ پوائنٹس دیے جاتے ہیں۔ یہ پوائنٹس پانچ سال تک فعال رہتے ہیں۔ کسی مقام کے چھ پوائنٹس تک پہنچنے پر اسے 12 ماہ تک بین الاقوامی کرکٹ کی میزبانی سے معطل کیا جاسکتا ہے، جبکہ 12 پوائنٹس ہونے پر 24 ماہ کی پابندی عائد ہوسکتی ہے۔
اس فیصلے کے بعد قذافی اسٹیڈیم کا ڈی میرٹ ریکارڈ صاف ہوگیا ہے، جو پاکستان کرکٹ اور PCB کے لیے ایک اہم ریلیف قرار دیا جا رہا ہے۔
