برمنگھم (مانیٹرنگ ڈیسک) انگلینڈ اور پاکستان
کے خلاف تیسرے ٹیسٹ کے دوسرے روز اپنی پہلی اننگز میں انگلینڈ کی ٹیم نے 320 رنز کی برتری حاصل کرلی۔ انگلینڈ کی ٹیم 353رنز بنا کر آئوٹ ہوگئی۔ رضا اللہ کی 4 وکٹیں حاصل کیں۔ برمنگھم کے ایجبسٹن سٹیڈیم میں انگلینڈ نے دوسرے روز ڈین لارینس اور ہیری بروک نے جارحانہ آغاز کیا اور پہلے ہی سیشن میں برتری 100 رنز سے زائد تک پہنچائی۔ انگلینڈ کی ٹیم مجموعی طور پر 453 رنز بناکر آؤٹ ہوگئی، ہیری بروک 75، جیمز اسمتھ 69، لارنس 65 اور رابنسن نے شاندار بلے بازی کرتے ہوئے نصف سنچری سکور کیں جبکہ پاکستانی بولر انگلش بلے بازوں کے آگے بے بس نظر آئے۔ پاکستان کی جانب سے رضا اللہ نے چار، محمد عمران نے دو، محمد عباس اور محمد علی نے ایک ایک وکٹ حاصل کی جبکہ صائم ایوب کوئی کھاتہ نہ کھول سکے۔ دوسرے روز کا کھیل شروع ہوا تو انگلینڈ کی پانچویں وکٹ 229 رنز پر گری جب ہیری بروک 75 رنز بناکر رن آؤٹ ہوئے۔ اس کے بعد آؤٹ ہونے والے کھلاڑی ڈان لارنس تھے جو 65 رنز بناکر محمد عمران کا شکار بنے اور یوں انہوں نے پہلی وکٹ حاصل کی۔ نئے آنے والے بلے باز اسمتھ نے شاندار بیٹنگ کرتے ہوئے کھانے کے وقفے تک نصف سنچری سکور کی جبکہ گس اٹکنسن اْن کے ساتھ 15 رنز کے ساتھ کریز پر موجود تھے۔ تاہم انہیں 19 کے انفرادی اسکور پر محمد عمران نے آؤٹ کیا۔ آٹھویں آؤٹ ہونے والے کھلاڑی جیمز اسمتھ تھے جنہوں نے 69 رنز کی شاندار اننگز کھیلی اور وہ رضا اللہ کا شکار بنے۔ اس کے بعد روبنسن کو بھی رضا اللہ نے اپنا شکار بناکر 50 رنز پر پویلین واپس بھیجا جبکہ آخری آؤٹ ہونے والے کھلاڑی جوش ٹنگ تھے۔ پاکستان نے اپنی دوسری اننگز 320 رنز کے خسارے کے ساتھ شروع کی تو پاکستان نے دوسری اننگز میں دو وکٹ پر 52رنز بنالئے تھے۔ انگلینڈ کی پہلی اننگز کا خسارہ پورا کرنے کیلئے ابھی مزید 268رنز درکار ہیں۔
ٹیسٹ میچ
