دفتر ڈی آئی جی آپریشنز میں شہری مسائل حل کیلئے کھلی کچہری کا انعقاد

لاہور(کرائم رپورٹر)دفتر ڈی آئی جی آپریشنز میں شہریوں کے مسائل کے حل کیلئے روزانہ کی بنیاد پر کھلی کچہری کا انعقاد کیا جارہا ہے۔ امروز بھی ڈی آئی جی آپریشنز فیصل کامران نے شہریوں کے مسائل سنے اور متعلقہ افسران کو احکامات جاری
کیے۔ کھلی کچہری میں وراثاتی جائیداد جھگڑے، فراڈ، دھمکیاں، چیک تنازعات اور کاروباری دھوکہ دہی کے کیسز شامل تھے۔ڈی آئی جی آپریشنز نے خاتون سائلہ کاا قساط دینے کے باوجود پلاٹ نہ ملنے کی شکایت پر ایس ایچ او جوہر ٹان کو خاتون کو رقم واپس دلوانے کا حکم دے دیا۔ اسی طرح شہری پر سابقہ بیوی اور بچوں کی جانب سے تشددکرنے اور گھر سے نکالنے کی شکایت پر ایس ایچ او سندر کو تحفظ فراہم کرنے کی ہدایت کی گئی۔ فیصل کامران نے ٹھیکیدار کو 51 لاکھ روپے دینے کے باوجود شہری کی ناقص مکان بنانے کی شکایت پر ایس ڈی پی او چوہنگ کو انکوائری کرکے حقائق سامنے لانے کا حکم دیا۔ اسی طرح خاتون سائلہ کی بہن کے خلاف وراثتی گھر پرقبضہ کی شکایتپر ایس ڈی پی او سبزہ زار کو دونوں پارٹیوں میں مصالحت کروانے کی ہدایت کی گئی۔ ڈی آئی جی آپریشنز نے شہری کی الزام علیہ پر 3 لاکھ 50 ہزارخرد بردکرنے اور بیٹوں پر جھوٹے مقدمے کی شکایت پر ایس ایچ او باغبانپورہ کو بعد از انکوائری قانونی کاروائی کا حکم دیا۔ اسی طرح ہوٹل مالک کی اپنی درخواست پر خفیہ انکوائری کروانے کیلئے ایس ڈی پی او مزنگ کو انکوائری کرکے حقائق بتانے کی ہدایت کی گئی۔ ڈی آئی جی آپریشنز فیصل کامران نے کہا کہ عوام کو تحفظ اور قانونی راہنمائی فراہم کرنا پولیس کا فرض ہے۔ شہری اپنے مسائل و شکایات کے حل کے لیے کھلی کچہری میں تشریف لائیں۔ علاو ازیں ڈی آئی جی آپریشنزفیصل کامران نے کہا ہے کہ محکمہ پولیس ایک فیملی کی مانند ہے۔ ریٹائرڈملازمین ہمیشہ ہمارا حصہ رہے ہیں اور رہیں گے۔ محکمہ آئندہ بھی آپ کی خدمات سے استفادہ کرے گا۔ آپ کی خدمات اور کاوشوں کو ہمیشہ یاد رکھا جائے گا۔ان خیالات کا اظہار انہوں نے پولیس لائنز قلعہ گجر سنگھ میں ریٹائرڈپولیس افسران واہلکاروں کے اعزاز میں منعقدہ تقریب کے شرکا سے خطاب کے دوران کیا۔کانسٹیبل سے انسپکٹر تک ریٹائرڈ ہونے والے 45 افسران واہلکار تقریب میں موجود تھے۔