سرگودھا میں مسلح افراد نے فائرنگ کر کے سالا بہنوئی کو قتل کر دیا

سرگودھا (این این آئی) سرگودھا میں مسلح افراد نے فائرنگ کرکے سالا بہنوئی کو قتل کر دیا اور فرار ہو گئے’ پولیس نے مقتولین کی نعشیں پوسٹمارٹم کے لئے ہسپتال منتقل کر دی اور شواہد اکٹھے کرتے ہوئے مصروف تفتیش ہے۔ ذرائع کے مطابق سرگودھا کے گائوں کولووال ننگیاں میں فائرنگ صبع سویرے آتشیں اسلحہ سے مسلح افراد نے فائرنگ کر کے 36 سالہ محمد جاوید اقبال کو موقع پر قتل اور چک 83 شمالی کے 26 سالہ محمد شہباز کو شدید زخمی کر دیا جس کو ڈی ایچ کیو (ڈاکٹر فیصل مسعود)ٹچنگ ہسپتال منتقل کیا گیا جس کے زخموں کا تاب نہ لاتے ہوئے دم توڑ جانے کی اطلاع ہے جو آپس میں سالا بہنوئی بتلائے جارہے ہیں۔ پولیس نعشیں پوسٹ مارٹم کے لئے تحویل میں لیکر مصروف تفتیش ہے۔