ہیلتھ ایشیا انٹرنیشنل ایگزی بیشن اینڈ کانفرنسز پاکستان کی نمایاں طبی نمائش اور کانفرنس

لاہور (جنرل رپورٹر) 23ویں ہیلتھ ایشیا انٹرنیشنل ایگزی بیشن اینڈ کانفرنسز پاکستان کی نمایاں طبی نمائشوں اور کانفرنسز میں سے ایک ہے، جہاں طبی ماہرین اور شعبہ صحت سے وابستہ افراد اپنے علم اور تجربات کا تبادلہ کرتے ہیں۔ ہیلتھ ایشیا 2026ء کے تحت پٹیل ہسپتال نے ہیلتھ ایشیاء کے اشتراک سے کراچی ایکسپو سینٹر میں پلاسٹک سرجری: خوبصورتی سے آگے، زندگی کی بحالی اور اعتماد کی تعمیر کے عنوان سے سی ایم ای سیشن کا انعقاد کیا۔ سیشن میں طبی ماہرین اور شعبہ صحت سے وابستہ افراد نے شرکت کی۔ تقریب میں میڈیکل ڈائریکٹر پٹیل ہسپتال ڈاکٹر مظہر نظام، ڈائریکٹر آپریشنز جناب محمد صدیق اور ڈائریکٹر کمیونیکیشن اینڈ ریسورس ڈویلپمنٹ (CRD) جناب فرحان اسدی بھی موجود تھے۔ پروگرام کا آغاز تلاوتِ قرآنِ پاک سے ہوا، جس کے بعد قومی ترانہ پیش کیا گیا۔ بعد ازاں ڈاکٹر مظہر نظام نے پٹیل ہسپتال کا تعارف پیش کرتے ہوئے ہسپتال کی طبی خدمات، انسانیت کی خدمت کے عزم اور فلاحی اقدامات کے بارے میں آگاہ کیا۔ انہوں نے برنز اینڈ پلاسٹک سرجری اور مریضوں کی بحالی میں اس کے کردار پر بھی روشنی ڈالی۔ اس کے بعد ڈاکٹر سعید علی، کنسلٹنٹ پلاسٹک سرجن، نے برن کیئر اینڈ احتیاطی تدابیر، جبکہ ڈاکٹر وہاج ارشد، کنسلٹنٹ پلاسٹک سرجن، نے ہیڈ اینڈ نیک ری کنسٹرکشن کے موضوع پر اپنی پریزنٹیشنز پیش کیں۔ ڈاکٹر شازرا خان نے کلیفٹ کمپری ہینسو کیئر، جبکہ ڈاکٹر نور علی نے اسکار مینجمنٹ کے موضوع پر شرکاء کو آگاہ کیا۔ سیشن کے اختتام پر ڈاکٹر زوہیرا خان، پلاسٹک اینڈ ری کنسٹرکٹیو سرجن، نے Breast Reconstruction: Restoring Confidence After Breast Cancer کے موضوع پر گفتگو کی، جس میں انہوں نے بریسٹ کینسر کے علاج کے بعد بریسٹ ری کنسٹرکشن کی اہمیت اور مریضوں کے اعتماد اور معیارِ زندگی کی بحالی پر روشنی ڈالی۔