مقبوضہ کشمیر میں انسانی حقوق پر سنگین پابندیاں عائد ہیں:ڈی ایف پی

اسلام آباد(این این آئی)جموںو کشمیر ڈیمو کریٹک فریڈم پارٹی نے کہا ہے کہ غیر قانونی طور پر بھارت کے زیر قبضہ جموں و کشمیر میں عوام کو بنیادی انسانی حقوق، سیاسی آزادیوں اور آزادی اظہار پر سنگین پابندیوں کا سامنا ہے۔کشمیر میڈیا سروس کے مطابق ڈی ایف پی کے قائم مقام چیئرمین محمود احمد ساغر نے اقوام متحدہ کی جنرل اسمبلی کے 81ویں اجلاس کے صدر ڈاکٹر خلیل الرحمن کے نام خط میں مقبوضہ جموں و کشمیر کی سنگین صورتحال پر گہری تشویش کا اظہار کیا ہے۔خط میں کہا گیا ہے کہ کشمیریوں کی گرفتاریوں، طویل نظربندیوں، سیاسی سرگرمیوں پر قدغن ، صحافیوں اور انسانی حقوق کے کارکنوں کی گرفتاریوں پر سمیت بنیادی حقوق پر پابندیاں مسلسل جاری ہیں جو کہ انتہائی تشویشناک ہیں۔محمود احمد ساغر نے کہا کہ کشمیری سیاسی رہنمائوں اور کارکنوں کی طویل قید خصوصی توجہ کی متقاضی ہے۔