ریاست مخالف بیانیہ’ بلوچستان کے 100 سرکاری ملازمین برطرف

کوئٹہ ( مانیٹرنگ ڈیسک ) ریاست مخالف بیانیے کے الزام پر محکمہ داخلہ بلوچستان نے کارروائی کرتے ہوئے 100سرکاری ملازمین کو ملازمت
سے برطرف کر دیا، اس کے علاوہ 16 ہزار 387 ویب سائٹس کو بھی بند کیا گیا ہے۔معاون وزیر داخلہ برائے میڈیا بابریوسف زئی کے مطابق ریاست مخالف بیانیے پر 100سرکاری ملازمین ملازمت سے برطرف کیے گئے ہیں۔بابریوسف زئی کے مطابق برطرف کیے گئے ملازمین میں 95یونیورسٹی اساتذہ شامل ہیں۔معاون وزیرداخلہ کا کہنا ہے کہ محکمہ صحت کے 3ملازمین سمیت 5 دیگر ملازمین بھی برطرف کیے گئے ہیں۔بابریوسف زئی کا مزید کہنا ہے کہ برطرف ملازمین نے سرکاری حلف کی خلاف ورزی کی، ملک کیخلاف زہراگلنے والوں کو نہیں چھوڑا جائیگا۔دریں اثناء سیکرٹری داخلہ بلوچستان حمزہ شفقات نے بتایا کہ ریاست مخالف بیانیے کے خلاف محکمہ داخلہ نے اقدامات کیے اور سماجی رابطوں کی میڈیا پر ریاست مخالف بیانیے کے 20 ہزار 117 سائٹس کی نشان دہی کی گئی۔انہوں نے بتایا کہ ریاست مخالف بیانیے کے 16 ہزار 367 سائٹس کو بند کیا گیا ہے، یہ سائٹس تمام سماجی رابطوں کی میڈیا پلیٹ فارمز پر تھیں۔سیکریٹری داخلہ بلوچستان نے بتایا کہ ریاست مخالف بیانیے کی سائٹس کو بند کرنے کی شرح 81.4 فیصد رہی ہے۔
ملازمین برطرف