جنرل اسمبلی میں شرکت کیلئے آنیوالے ایرانی وفدپر سخت پابندیاں عائد

واشنگٹن (نمائندہ خصوصی) امریکہ نے اقوام متحدہ کی جنرل اسمبلی میں شرکت کے لیے آنے والے ایرانی وفد پر نئی سخت پابندیاں عائد کر دیں،امریکی محکمہ خارجہ کے مطابق ایرانی وفد کو نیویارک آنے کی اجازت تو دی گئی ہے، لیکن اس بار وفد کا حجم گزشتہ سال کے مقابلے میں کم رکھا گیا ہے۔ ایرانی وفد کے ارکان کی نقل و حرکت محدود ہوگی، جبکہ امریکہ میں لگژری اور بعض دیگر اشیاء کی خریداری پر بھی پابندی عائد کی گئی ہے۔ امریکی وزیر خارجہ مارکو روبیو کی جانب سے ویزہ اور سفری شرائط پر سخت موقف سامنے آیا ہے۔ ایران اور امریکہ کے درمیان جاری شدید کشیدگی کے پس منظر میں ایرانی وفد کا اقوام متحدہ اجلاس میں شرکت کرنا بھی اہم سفارتی پیشرفت قرار دیا جا رہا ہے۔