لکسمبرگ ایئرپورٹ پر ڈرونز کی موجودگی’ پروازیں عارضی طور پر معطل

لکسمبرگ سٹی(آئی این پی)لکسمبرگ کے  ایئرپورٹ پر قریبی علاقے میں غیرمجاز ڈرونز کی پروازیں دیکھے جانے کے بعد پروازوں کا آپریشن مختصر وقت کے لیے معطل کردیا گیا۔ ایئرپورٹ انتظامیہ کے مطابق ڈرونز کی موجودگی کے باعث پروازوں کی عارضی معطلی مسافروں، فضائی عملے، ایئرپورٹ ملازمین اور طیاروں کی حفاظت یقینی بنانے کے لیے احتیاطی اقدام کے طور پر کی گئی۔ انتظامیہ نے بتایا کہ ایئرپورٹ کے اطراف اور بعد ازاں رن وے کے علاقے میں غیرمجاز بغیر پائلٹ طیارہ نظام کی موجودگی کا پتا چلنے پر پروازیں روک دی گئی تھیں۔بعد ازاں صورتحال کا جائزہ لینے کے بعد ایئرپورٹ پر پروازوں کا آپریشن بحال کردیا گیا، تاہم انتظامیہ نے خبردار کیا ہے کہ صورتحال کے باعث فضائی آمدورفت میں تاخیر اور دیگر خلل پیدا ہوسکتا ہے۔
پروازیں معطل