کراچی: فلیٹ سے ڈاکٹر’ اس کی بیوی ‘ 3بچوں کی لاشیں برآمد

کراچی(ویب ڈیسک)کراچی میں فلیٹ سے ایک ہی فیملی کے 5افراد کی لاشیں برآمد ہوئی ہیں۔پولیس کے مطابق کراچی کے علاقے سائٹ احسن آباد میں فلیٹ سے 5افراد کی لاشیں ملی ہیں۔پولیس نے بتایا کہ لاشیں میاں بیوی اور3بچوں کی ہیں اور پانچوں لاشیں کئی روز پرانی ہیں۔پولیس حکام کے مطابق تمام لاشوں کو تحویل میں لے کر ہسپتال روانہ کردیا گیا ہے اور معاملے کی تحقیقات شروع کر دی گئی ہیں۔ایس ایس پی ایسٹ زبیر نذیر شیخ کا اس حوالے سے کہنا ہے کہ عمارت کی ساتویں منزل پر فلیٹ کے ایک کمرے سے لاشیں ملی ہیں جو کئی روز پرانی ہیں۔انہوں نے بتایا کہ فلیٹ کے دروازے اندر سے بند تھے، مرنے والا شخص ڈاکٹر اور گھر کا کفیل تھا، لاشوں کو قانونی کارروائی کے بعد عباسی شہید ہسپتال منتقل کردیا گیا ہے، پوسٹ مارٹم کے بعد ہی موت کی اصل وجہ سامنے آئے گی، لاشوں کی شناخت اور واقعے کی مختلف پہلوؤں سے تحقیقات جاری ہیں۔پولیس نے شبہ ظاہر کیا ہے کہ ممکنہ طور پر مرنے والے افراد نے خودکشی کی ہے۔وزیر داخلہ سندھ ضیاالحسن لنجار نے واقعے پر ایس ایس پی ایسٹ سے تفصیلات طلب کرتے ہوئے ابتدائی پولیس کارروائی اور ایکشن سے فوری آگاہ کرنے کی ہدایت کی ہے، وزیر داخلہ نے کہا کہ واقعے کی تفتیش و تحقیق سے حتمی نتائج سامنے لائے جائیں، ایس ایس پی ایسٹ اپنی نگرانی میں واقعے کی تفتیش کو موثر اور مربوط بنائیں۔
نعشیں برآمد