بھارت میں قید برطانوی سکھ کارکن جگتار سنگھ کو ضمانت مل گئی

دہلی (آئی این پی)بھارت میں تقریباً نو برس تک جیل میں قید رہنے والے برطانوی سکھ کارکن جگتار سنگھ جوہل کے مقدمے میں اہم پیش رفت ہوئی ہے، جہاں دہلی ہائی کورٹ نے انہیں ضمانت دے دی ہے۔ جگتار سنگھ جوہل، جو سکاٹ لینڈ کے رہائشی ہیں، 2017میں اپنی شادی کے سلسلے میں بھارت گئے تھے، جہاں انہیں دہشت گردی سے متعلق الزامات کے تحت گرفتار کیا گیا تھا۔جگتار سنگھ جوہل نے اپنے خلاف تمام الزامات کی تردید کرتے ہوئے موقف اختیار کیا کہ دورانِ حراست ان پر تشدد کیا گیا اور زبردستی اعترافِ جرم کرانے کی کوشش کی گئی، جبکہ بھارتی حکام ان الزامات کو مسترد کرتے ہیں۔