اٹک ( ڈسٹرکٹ رپو رٹر ) نیو ٹاؤن گلی نمبر 2 میں افسوسناک واقعہ، کھیلنے کے دوران زیر زمین پانی کی ٹینکی میں گرنے سے 2 سالہ بچہ جاں بحق،تفصیلات کے مطابق ڈسٹرکٹ کنٹرول روم اٹک کو ایمرجنسی کال موصول ہوئی جس میں کالر نے بتایا کہ 2 سالہ بچہ کھیلنے کے دوران 8 فٹ گہری زیر زمین پانی کی ٹینکی میں گر گیا ہے جس میں پانی موجود ہے، کال موصول ہوتے ہی کنٹرول روم نے فوری طور پر بائیک ایمبولینس، ایمبولینس اور ریسکیو وہیکل کو جائے وقوعہ کی طرف روانہ کر دیا،موقع پر پہنچ کر سٹاف نے بتایا کہ اہل محلہ نے اپنی مدد آپ کے تحت بچے کو ٹینکی سے نکال لیا تھا، ریسکیو سٹاف نے بچے زوہان ولد عدنان عمر 2 سال کو فوری سی پی آر دیا لیکن بچہ جانبر نہ ہو سکا اور ریسکیو سٹاف نے بچے کو ڈی ایچ کیو ہسپتال اٹک منتقل کر دیا۔
