پروموشنل شوٹ کے دوران انجری راچن رویندربھارت کے خلاف ٹی20 سیریزسے باہر

لاہو(خبریںڈیجیٹل) نیوزی لینڈ کے آل رانڈر راچن رویندرا دائیں کندھے کی انجری کے باعث بھارت کے خلاف پانچ میچز پر مشتمل ٹی20 انٹرنیشنل سیریز سے باہر ہوگئے  ہیں۔ نیوزی لینڈ کرکٹ نے 23 ستمبر کو سیریز کے لیے 16 رکنی اسکواڈ کا اعلان کیا، جس میں رویندرا شامل نہیں ہیں۔راچن رویندرا کو یہ انجری 16 ستمبر کو آکلینڈ میں ایک پروموشنل شوٹ کے دوران لگی، جہاں وہ ڈائیونگ کیچ لینے کی کوشش میں زمین پر گر گئے اور دایاں کندھا ڈس لوکیٹ ہوگیا۔ ابتدائی طبی معائنے میں کسی بڑے ساختی نقصان کی نشاندہی نہیں ہوئی۔رپورٹس کے مطابق رویندرا کی بحالی میں تقریبا چھ ہفتے لگ سکتے ہیں۔ نیوزی لینڈ کی ٹیم انتظامیہ نے انہیں جلد میدان میں واپس لانے کے بجائے مکمل صحت یابی پر توجہ دینے کا فیصلہ کیا ہے۔ ان کی نظریں اب بھارت کے خلاف 4 نومبر سے شروع ہونے والی ون ڈے سیریز میں واپسی پر ہیں۔نیوزی لینڈ کے ہیڈ کوچ روب والٹر نے کہا کہ ٹیم راچن کی انجری پر مایوس ہے، تاہم ان کی بحالی میں جلد بازی نہیں کی جائے گی۔ بھارت اور نیوزی لینڈ کے درمیان پانچ ٹی20 میچز کی سیریز 22 اکتوبر سے شروع ہوگی۔