خیبرپختونخوا میں آئی جی تعیناتی کے طریقہ کار میں تبدیلی، گورنر نے پولیس ایکٹ کی منظوری غیرآئینی قرار دیدی

پشاور(ویب ڈیسک )خیبرپختونخوا کے گورنر فیصل کریم کنڈی نے صوبائی کابینہ کی جانب  سے انسپکٹر جنرل (آئی جی) کی تعیناتی کے طریقہ میں تبدیلی سمیت دیگر تجاویز پر مبنی پولیس ایکٹ کی منظوری پر ردعمل دیتے ہوئے اسے غیرآئینی قرار دے دیا۔گورنر خیبرپختونخوا فیصل کریم کنڈی نے میڈیا سے گفتگو کرتے ہوئے کہا کہ صوبائی کابینہ نے جو پولیس ایکٹ منظور کیا وہ غیرآئینی ہے، پی ٹی آئی کا بیانیہ تھا کہ پولیس غیر سیاسی ہوگی، میرے پاس جب ایکٹ آئے تو دیکھوں گا اگر کوئی چیزغیرآئینی ہوئی تو منظور نہیں کروں گا اور اس پر اعتراض کروں گا۔انہوں نے کہا کہ یہ چاہتے ہیں پولیس ہماری غلام ہو، ہم پولیس کو ٹائیگر فورس بننے نہیں دیں گے، گورنر یا وزیراعلی ہو کوئی غلط اقدام نہیں ہوسکتا، پاکستان تحریک انصاف (پی ٹی آئی) حکومت بوکھلاہٹ کا شکار ہے وہ چاہتے ہیں آئی جی اور پولیس کو اپنے تابع کریں، یہ چاہتے ہیں ڈی ایس پی کو بھی 25 فی صد کوٹہ پر لائیں۔ تاریخیکتابیں دریافت کریںگورنر خیبرپختونخوا نے صوبائی حکومت پر تنقید کرتے ہوئے کہا کہ اتنی نااہل حکومت ہے کہ ان کے پاس مستقل وزیرداخلہ نہیں، میں غیرآئینی غیرقانونی ایکٹ کو کیوں منظور کروں، پاکستان بننے کے بعد ایسی کوئی روایت نہیں تو پولیس ایکٹ کو کیوں منظور کروں، جب میرے پاس ایکٹ منظوری کے لیے آئے گا، تب میں دیکھوں گا۔ان کا کہنا تھا کہ ہائی کورٹ کا آرڈر ہے، سرکاری وسائل استعمال نہیں کریں گے، آپ سرکاری وسائل پر پارٹی چلانا چاہتے ہیں، آپ اپنی پارٹی کیلیے اسلام آباد جا رہے ہیں کوئی سرکاری کام کیلیے نہیں ہے، ہر جگہ سے آپ کو فنڈ آرہے ہیں، آپ اپنے فنڈز بھی کھا جاتے ہیں، جس نے سرکاری وسائل استعمال کیے ان کے خلاف سخت قانونی کارروائی کی جائے گی۔