لاہور(کورٹ رپورٹر) لاہور ہائیکورٹ کیجسٹس خالد اسحاق نے نویں کلاس میں 20 فیصد سے کم نتائج دینے والے ٹیچرز کو نکالنے کے خلاف درخواست پر چیف سیکرٹری پنجاب کو درخواست گزار کو سن کر فیصلہ کرنے کی ہدایت کردی، پاکپتن کے چار سکولوں کے ہیڈ ماسٹرز نے موقف اپنایا کہ پنجاب حکومت نے نویں جماعت میں 20 فیصد سے کم نتائج دینے والے ٹیچرز اور سکولز کے ہیڈ ماسٹر کو نکالنے کا نوٹیفکیشن جاری کیا ، استدعا ہے کہ عدالت ہیڈ ماسٹرز اور ٹیچرز کو نکالنے کا حکم کالعدم قرار دے۔
