17سالہ نوجوان کا چار روزگزرنے کے باوجود سراغ نہ مل سکا

لاہور (این این آئی) سمن آباد سے مبینہ لاپتہ ہونے والے 17 سالہ نوجوان کا 4 روز گزرنے کے باوجود کوئی سراغ نہ مل سکا، تھانہ ملت پارک پولیس نے رپورٹ درج کرکے تلاش شروع کر دی۔ والدہ مصباح وکیل کی جانب سے درج کرائی گئی رپورٹ کے مطابق 17 سالہ عبدالمنیب 18 ستمبر کو صبح آٹھ بجے گھر سے نکلا اور گھر واپس نہ آیا جس کے بعد ہر جگہ تلاش کے باوجود اس کا کوئی سراغ نہ مل سکا۔ پولیس نے والدہ کی درخواست پر بچے کی گمشدگی کی رپورٹ درج کرکے اس کی تلاش شروع کر دی ہے۔ والدہ کی طرف سے اپیل کی گئی ہے کہ بچے کے ملنے کی صورت میں رابطہ نمبر 0307-4775249 پر اطلا دی جائے۔