کلر سیداں روڈ پر ٹریفک حادثے میں 26 سالہ موٹر سائیکل سوار جاں بحق

کلر سیداں (تصیل رپوٹر)کلر سیداں روڈ پر ٹریفک کے المناک حادثے میں 26 سالہ موٹر سائیکل سوار جاں بحق جبکہ دو افراد شدید زخمی ہو گئے  جنہیں ٹی ایچ کیس ہسپتال کلر سیداں پہنچا دیا گیا ۔ حادثہ مبینہ طور پر آگے جانے والی کار کے اچانک یوٹرن لینے کے باعث پیش آیا۔ جاں بحق اور زخمیوں کا تعلق کلر سیداں کے علاقے سے بتایا جاتا ہے۔اطلاعات کے مطابق کلر سیداں کی یوسی بشندوٹ کے گائوں اراضی خاص کے رہائشی 26 سالہ حامد اپنے ساتھیوں مبین اور حیدر علی کے ہمراہ موٹر سائیکل پر جا رہے تھے کہ کلر سیداں روڈ پر ان کے آگے جانے والی کار کے ڈرائیور نے اچانک یوٹرن لے لیا، جس کے باعث موٹر سائیکل کار سے ٹکرا گئی۔ حادثے کے نتیجے میں حامد موقع پر ہی جاں بحق جبکہ مبین اور حیدر علی شدید زخمی ہو گئے۔حادثے کی اطلاع ملتے ہی انچارج سٹی ٹریفک پولیس کلر سیداں سجاد قریشی اور بیٹ انچارج عادل منیر فوری طور پر موقع پر پہنچ گئے اور امدادی کارروائی کرتے ہوئے جاں بحق نوجوان کی لاش اور زخمیوں کو ہسپتال منتقل کیا۔ پولیس نے کار ڈرائیور محمد افضل سکنہ فیصل آباد کو ضروری قانونی کارروائی کے لیے حراست میں لے لیا۔ واقعے کی مزید تفتیش جاری