اسلام آباد(نامہ نگار خصوصی )سیکرٹری ہاسنگ اینڈ ورکس، کیپٹن (ر) محمد محمود نے ڈائریکٹر جنرل فیڈرل گورنمنٹ ایمپلائز ہاسنگ اتھارٹی کیپٹن ریٹائرڈ ظفر اقبال کے ہمراہ (FGEHA) کے مختلف سیکٹرز G-14، G-15/3 اور F-14/F-15 کا تفصیلی دورہ کیا۔ اس موقع پر متعلقہ ڈائریکٹرز، پراجیکٹ ڈائریکٹرز، ڈپٹی کمشنر (LAC) اور ٹیکنیکل اسٹاف بھی موجود تھا۔ ڈائریکٹر لینڈ اور دیگر افسران نے سیکرٹری ہاسنگ کو اراضی کے حصول، قبضہ، ترقیاتی کاموں اور بنیادی شہری سہولیات سے متعلق تفصیلی بریفنگ دی۔سیکرٹری ہاسنگ نے G-14/2-3 میں حالیہ ایکوائر کی گئی اراضی اور حاصل شدہ قبضے کا معائنہ کرتے ہوئے بجلی، گیس، سڑکوں، ہارٹیکلچر، رین واٹر ہارویسٹنگ اور دیگر بنیادی سہولیات کی فراہمی کے لیے مثر اور بروقت اقدامات کی ہدایت کی۔ انہوں نے G-14/1 میں پوزیشن اور ترقیاتی کاموں کے ٹینڈرز کا عمل جلد مکمل کرنے جبکہ G-14/2-3 میں قائم غیر قانونی مساجد کی قانونی حیثیت محکمہ اوقاف کے ساتھ رابطے سے واضح کرنے کی ہدایت بھی کی۔G-15/3 کے دورے کے دوران سیکرٹری ہاسنگ نے غیر قانونی قبضوں کو قانون کے مطابق جلد واگزار کرانے، مرکزی سڑکوں کو G-14 سے منسلک کرنے اور G.T. Road سے رابطہ بہتر بنانے کے اقدامات ترجیحی بنیادوں پر مکمل کرنے کی ہدایت کی۔ انہوں نے مرکزی سڑکوں پر اسٹریٹ لائٹس اور مناسب مقامات پر اسٹریٹ سائن بورڈز کی تنصیب پر بھی زور دیا۔F-14/F-15 میں جاری ترقیاتی کاموں کا جائزہ لیتے ہوئے سیکرٹری ہاسنگ نے بارش کے پانی کی نکاسی، پانی کے بہا اور مستقبل کے Water Management کے لیے مثر اقدامات کی ہدایت کی۔ انہوں نے نالوں پر مناسب مقامات پر Check Dams کی تعمیر، بارش کے پانی کو محفوظ بنانے اور جدید Rainwater Harvesting Systems متعارف کرانے کی ہدایت کی تاکہ پانی کے ضیاع کو روکا اور زیرِ زمین پانی کی سطح بہتر بنائی جا سکے۔ انہوں نے باقی ماندہ پلاٹس کا قبضہ جلد حاصل کرنے اور حالیہ بارشوں کے باعث متاثرہ یا مخر ہونے والے ترقیاتی کام فوری مکمل کرنے کی ہدایت بھی کی۔ F-14 کے انٹری گیٹ کے لیے جدید شہری منصوبہ بندی کے مطابق مناسب ڈیزائن اور پلان تیار کرنے کی بھی ہدایت کی گئی۔گرین انکلیو-I منصوبے کے حوالے سے اہم اجلاسبعد ازاں FGEHA ہیڈ آفس میں گرین انکلیو-I منصوبے کو قابلِ عمل بنانے اور درپیش مسائل کے عملی، مثر اور Cost-Effective حل کے لیے اجلاس منعقد ہوا۔ اجلاس میں، جنرل منیجر NESPAK، پروجیکٹ ڈائریکٹر گرین انکلیو-I، محسن سردار، اور دیگر متعلقہ افسران نے شرکت کی۔سیکرٹری ہاسنگ اینڈ ورکس نے منصوبے کے ممکنہ حل تجویز کرنے کے لیے جوائنٹ انجینئرنگ ایڈوائزر منسٹری آف ہاسنگ اینڈ ورکس، ڈائریکٹر ٹیکنیکل FGEHA، پروجیکٹ ڈائریکٹر گرین انکلیو-I اور جنرل منیجر NESPAK پر مشتمل ٹیم تشکیل دیتے ہوئے دو دن کے اندر جامع سفارشات مرتب کرنے کی ہدایت کی۔ ٹیم تکنیکی، مالی اور انتظامی پہلوں کا جائزہ لے کر منصوبے کو مثر انداز میں آگے بڑھانے کے لیے قابلِ عمل اور کم لاگت آپشنز تجویز کرے گی۔اس موقع پر ڈائریکٹر جنرل FGEHA، کیپٹن (ر) ظفر اقبال نے کہا کہ وفاقی سرکاری ملازمین کو بہتر، محفوظ اور معیاری رہائشی سہولیات کی فراہمی کے لیے FGEHA کے تمام منصوبوں میں ترقیاتی سرگرمیاں مقررہ اہداف کے مطابق مکمل کی جائیں گی۔ سیکرٹری ہاسنگ اینڈ ورکس نے FGEHA کے افسران اور ملازمین کی کاوشوں کو سراہتے ہوئے کہا کہ تمام دستیاب وسائل بروئے کار لاتے ہوئے سیکٹرز کو جدید، خوبصورت، ماحول دوست اور مثالی رہائشی علاقوں میں تبدیل کیا جائے گا۔
