چین کے قومی دن کی تقریب،پاک چین تجارتی روابط کے فروغ پر اتفاق

اسلام آباد (این این آئی)اسلام آباد میں چین کے قومی دن اور وسطِ خزاں کے تہوار کے موقع پر منعقدہ استقبالیے میں چینی اور پاکستانی کاروباری  نمائندوں نے سرمایہ کاری، صنعتی اور ٹیکنالوجی کے شعبوں میں تعاون کو مزید مضبوط بنانے پر زور دیا۔گوادر پرو کے مطابق یہ تقریب چینی سفارتخانے، پاکستان میں اوورسیز چائنیز ایسوسی ایشن اور پاکستان میں چینی کاروباری اداروں کی ایسوسی ایشن کے مشترکہ تعاون سے منعقد ہوئی۔ تقریب میں چینی سفیر جیانگ زائی ڈونگ کے علاوہ پاکستانی حکام، سفارت کاروں اور کاروباری نمائندوں نے شرکت کی۔جیانگ ژائی ڈونگ نے کہا کہ چین کی اقتصادی ترقی نے پاکستان سمیت دیگر ممالک کے ساتھ بین الاقوامی تعاون کے لیے نئے مواقع پیدا کیے ہیں۔ انہوں نے جدید مینوفیکچرنگ اور غیر ملکی تجارت میں ہونے والی ترقی کا ذکر کرتے ہوئے بیرونی دبا اور ملک میں طلب و رسد سے متعلق درپیش چیلنجز کو بھی تسلیم کیا۔ا