نوکری کا جھانسہ دیکر 13سالہ لڑکی کو جنسی زیادتی کا نشانہ بنا دیا گیا

لاہور( این این آئی) لیاقت آباد میں نوکری کا جھانسہ دے کر 13سالہ بچی سے زیادتی کا واقعہ پیش آیا ہے ، پولیس نے ملوث ملزم کو ٹریس کرکے گرفتار کرلیا۔ایس پی ماڈل ٹائون اسد علی کے مطابق بچی بہار کالونی میں واقع ایک گھر میں کام کرتی تھی، ملزم نے اسے زیادہ تنخواہ والی نوکری کا جھانسہ دیا اور ورغلا کر نامعلوم مقام پر واقع ایک گھر لے گیا۔ایس پی ماڈل ٹائون نے بتایا کہ ملزم نے بچی کو نشہ آور دوا پلا کر زیادتی کا نشانہ بنایا جبکہ اس کی نازیبا ویڈیو بھی بنائی اور ویڈیو کی بابت اسے بلیک میل کرتا رہا۔