پریس کلب کے باہر سے خاتون کی چوری شدہ گاڑی سیف سٹی نے ٹریس کرلی

لاہور (کرائم رپورٹر) لاہور پریس کلب کے باہر سے خاتون صحافی کی چوری شدہ گاڑی سیف سٹی
نے ٹریس کر لی۔ ایس ایس پی آپریشنز لاہور عبداللہ احمد نے پریس کانفرنس کی۔ ایس پی آپریشنز سیف سٹی اتھارٹی ذوالفقار خان بھی ہمراہ تھے۔ لاہور پریس کلب کے باہر سے خاتون صحافی کی چوری شدہ گاڑی سیف سٹی نے ٹریس کر لی۔ لاہور پریس کلب کے باہر سے خاتون صحافی کی سوزوکی مہران چوری ہوئی تھی۔ 15 پر اطلاع موصول ہوتے ہی گاڑی کو سیف سٹی سسٹم میں بلیک لسٹ کر دیا گیا۔ سیف سٹی ورچوئل پٹرولنگ ٹیم نے گاڑی کی نقل و حرکت کو ٹریس کیا۔ سیف سٹی کیمروں نے نمبر پلیٹ تبدیل ہونے کے باوجودگاڑی کو گجرات میں ٹریس کر لیا۔ ملزمان نے شناخت چھپانے کیلئے گاڑی کی اصل نمبر پلیٹ تبدیل کرکے جعلی نمبر پلیٹ لگا رکھی تھی۔گاڑی کی ریئل ٹائم معلومات فوری طور پر آپریشنز کمانڈر اور سمارٹ سیف سٹی جہلم کے ساتھ شیئر کی گئیں۔ سیف سٹی کی ریئل ٹائم ٹریکنگ اور معاونت پر جہلم پولیس نے چوری شدہ گاڑی کو روک لیا’ چوری شدہ گاڑی کی برآمدگی کے بعد مزید قانونی کارروائی جاری ہے۔ واضح رہے تین روز قبل لاہور پریس کلب کی سابق عہدیدار اور خاتون صحافی صائمہ نواز کی گاڑی پریس کلب کے گیٹ سے چوری ہوئی تھی جس کی سی سی ٹی وی فوٹیج بھی سامنے آئی تھی۔