چیئرمین سی ڈی اے کا نیشنل پولیس اکیڈمی کا دورہ

اسلام آبا(نامہ نگار خصوصی)چیئرمین کیپیٹل ڈویلپمنٹ اتھارٹی (سی ڈی اے) نے نیشنل پولیس اکیڈمی (این پی اے) اسلام آباد کا دورہ کیا اور سی ڈی اے کے زیرِ انتظام جاری ترقیاتی منصوبے پر پیش رفت کا جائزہ لیا۔ دورے کا مقصد منصوبے پر  کام کی رفتار، تعمیراتی کام کے معیار اور مقررہ معیارات کا جائزہ لینا جبکہ قانون کے مطابق منصوبے کی بروقت اور بلا رکاوٹ تکمیل کے لیے ضروری اقدامات کا تعین کرنا تھا۔دورے کے دوران چیئرمین سی ڈی اے نے جاری ترقیاتی منصوبے کا معائنہ کیا اور سائٹ پر کام کی رفتار اور تعمیراتی معیار کا جائزہ لیا۔ انہوں نے متعلقہ افسران کو ہدایت کی کہ تمام کام منظور شدہ ڈیزائن اور تکنیکی تقاضوں کے عین مطابق مکمل کیے جائیں۔ انہوں نے اس بات پر زور دیا کہ تعمیراتی کام کے معیار اور مقررہ معیارات پر کسی قسم کا سمجھوتہ نہیں کیا جائے گا اور منصوبے کے تمام اجزا منظور شدہ دائرہ کار، متعلقہ قوانین اور قواعد و ضوابط کے مطابق مکمل کیے جائیں۔چیئرمین سی ڈی اے نے کہا کہ قومی اہمیت کے حامل ترقیاتی منصوبوں پر خصوصی توجہ، پیشہ ورانہ انداز میں عملدرآمد اور مسلسل نگرانی ضروری ہے۔ انہوں نے متعلقہ شعبوں کو ہدایت کی کہ منصوبے کو مقررہ مدت کے اندر مکمل کرنے کے لیے مثر اقدامات یقینی بنائے جائیں۔ انہوں نے مزید ہدایت کی کہ منصوبے کی پیش رفت کی باقاعدگی سے کڑی نگرانی کی جائے اور تمام متعلقہ اسٹیک ہولڈرز کے درمیان مثر رابطہ اور رابطہ کاری کو یقینی بنایا جائے تاکہ انتظامی یا تکنیکی مسائل منصوبے کی تکمیل میں تاخیر کا باعث نہ بنیں۔چیئرمین سی ڈی اے نے ہدایت کی کہ اسلام آباد میں جاری تمام ترقیاتی کاموں کو بروقت تکمیل کرنے کی ہدایت کی۔ کسی بھی مسئلے یا رکاوٹ کی بروقت نشاندہی کرتے ہوئے اسے قانون اور متعلقہ طریقہ کار کے مطابق فوری طور پر دور کیا جائے۔ انہوں نے کہا کہ نیشنل پولیس اکیڈمی کی ترقی ایک اہم منصوبہ ہے، جس کے لیے منصوبے کے ہر مرحلے پر مسلسل نگرانی، مثر رابطہ کاری اور بروقت فیصلہ سازی ضروری ہے۔انہوں وسائل کے مثر استعمال پر بھی زور دیا اور متعلقہ سی ڈی اے شعبوں کو ہدایت کی کہ منصوبہ پر کام کو بلا رکاوٹ آگے بڑھانے کے لیے متعلقہ اداروں اور اسٹیک ہولڈرز کے ساتھ مسلسل رابطے میں رہیں۔ انہوں نے افسران کو ہدایت کی کہ قریبی رابطہ کاری برقرار رکھی جائے تاکہ منصوبے سے متعلق تمام امور بروقت حل ہوں اور ترقیاتی کاموں میں غیر ضروری رکاوٹ پیدا نہ ہو۔چیئرمین سی ڈی اے نے اس عزم کا اعادہ کیا کہ سی ڈی اے اسلام آباد بھر میں اعلی معیار کے انفراسٹرکچر اور ترقیاتی معیارات کو یقینی بنانے کے لیے پرعزم ہے۔ انہوں نے کہا کہ سی ڈی اے اسلام آباد کے انفراسٹرکچر، سڑکوں کے نیٹ ورک، عوامی سہولیات اور مجموعی شہری ماحول کو مزید بہتر بنانے کے لیے متعدد ترقیاتی منصوبوں پر کام کر رہا ہے، جن کا مقصد اسلام آباد کو مزید ترقی یافتہ، صاف، سرسبز، محفوظ، ماحول دوست اور سیاح دوست دارالحکومت بنانا ہے۔انہوں نے کہا کہ سی ڈی اے کے جاری ترقیاتی اقدامات کا مقصد صرف رابطہ کاری اور آمدورفت کو بہتر بنانا ہی نہیں بلکہ وفاقی دارالحکومت کی مجموعی خوبصورتی، فعالیت اور شہری سہولیات کو بھی مزید بہتر بنانا ہے۔ اس سلسلے میں اسلام آباد بھر میں سڑکوں، پلوں اور انڈر پاسز کی تعمیر و بہتری، خوبصورتی و لینڈ اسکیپنگ، اہم شاہراہوں کی بحالی اور عوامی مقامات کی بہتری سمیت مختلف منصوبوں پر کام جاری ہے۔*شہریوں نے سی ڈی اے کے ترقیاتی اقدامات اور شہر کے مختلف علاقوں میں ہونے والی نمایاں بہتری کو سراہا ہے۔ بالخصوص شہریوں نے سڑکوں کی تعمیر و بحالی، انڈر پاسز اور پلوں کی تعمیر، خوبصورتی و لینڈ اسکیپنگ کے کاموں، مجموعی شہری ماحول میں بہتری، سالڈ ویسٹ مینجمنٹ اور پانی کی فراہمی کے حوالے سے سی ڈی اے کی کاوشوں کو قابلِ تحسین قرار دیا ہے۔ ان اقدامات کے نتیجے میں شہریوں کے لیے بہتر تحفظ، ماحول اور شہری رابطہ کاری، ٹریفک کی روانی میں بہتری، عوامی مقامات میں اضافہ اور شہر کے مجموعی منظرنامے کو مزید خوبصورت بنانے میں مدد مل رہی ہے۔چیئرمین سی ڈی اے نے کہا کہ سی ڈی اے اسلام آباد بھر میں ترقیاتی اور بہتری کے منصوبے جاری رکھے گا، جن میں معیار، پائیداری، وسائل کے مثر استعمال اور منصوبوں کی بروقت تکمیل کو بنیادی اہمیت حاصل ہوگی۔ انہوں نے تمام متعلقہ افسران کو ہدایت کی کہ ترقیاتی سرگرمیوں کی رفتار برقرار رکھی جائے اور تمام منصوبوں پر منظور شدہ منصوبوں کے مطابق مثر، شفاف اور بروقت عملدرآمد یقینی بنایا جائے، جبکہ عوامی مفاد اور کام کے معیار کو اولین ترجیح دی جائے۔