ایرانی صدر مسعود پزشکیان نے کہا ہے کہ ایران کے سپریم لیڈر مجتبیٰ خامنہ ای صحت مند ہیں اور ملک کے معاملات میں رہنمائی فراہم کر رہے ہیں۔
امریکی نشریاتی ادارے سی بی ایس کو انٹرویو میں مسعود پزشکیان نے بتایا کہ انہوں نے مجتبیٰ خامنہ ای سے حال ہی میں ملاقات کی، جو تقریباً سات گھنٹے تک جاری رہی۔ ایرانی صدر، جو پیشے کے اعتبار سے ڈاکٹر بھی ہیں، نے کہا کہ طبی اعتبار سے سپریم لیڈر کو کوئی موجودہ بڑا صحت کا مسئلہ درپیش نہیں۔
پزشکیان کے مطابق مجتبیٰ خامنہ ای کے چہرے اور ٹانگوں پر موجود سابقہ زخم بھی صحت یاب ہوچکے ہیں۔ انہوں نے کہا کہ وہ حالیہ ملاقات کے دوران کئی گھنٹوں تک ان کے ساتھ موجود رہے اور انہیں صحت کے حوالے سے کوئی بڑا مسئلہ نظر نہیں آیا۔
