آئندہ انتخابات میں سوشل کیئر بحران کے حل کا منصوبہ عوام کے سامنے رکھیں گے،برطانوی وزیر اعظم کا اعلان

لندن(آئی این پی ) برطانوی وزیراعظم اینڈی برنہم نے اعلان کیا ہے کہ وہ آئندہ قومی انتخابات میں برطانیہ کے بڑھتے ہوئے سوشل کیئر بحران کے حل کا منصوبہ عوام کے سامنے رکھیں گے۔برطانوی میڈیا کے مطابق برطانوی وزیراعظم اینڈی برنہم کے نے ایک بیان میں کہا کہ مجوزہ نظام ضرورت مند افراد کے لئے استعمال کے وقت مفت ہوگا اور اس کی لاگت پوری آبادی میں تقسیم کی جائے گی۔اینڈی برنہم نے کہا کہ وہ اس معاملے پر مشکل فیصلوں سے گریز نہیں کریں گے، تاہم اصلاحات کے عملی نفاذ کو آئندہ انتخابات تک مخر رکھا جائے گا، جو 2029 کے وسط تک متوقع ہیں۔برنہم کی جانب سے یہ اعلان ایسے وقت میں سامنے آیا ہے جب حکومت کو بجٹ سے قبل بلند قرضوں کے اخراجات، بڑھتے ہوئے فلاحی اخراجات، توانائی کی قیمتوں اور دفاعی منصوبے کے لیے 4.7 ارب پانڈ کے مالی خلا جیسے چیلنجز کا سامنا ہے۔وزیراعظم نے کہا کہ وہ حکومت کے ذریعے ملک میں مہنگائی اور اخراجات زندگی کے دبا کو کم کرنے پر توجہ مرکوز کرنا چاہتے ہیں۔