کرایہ دارطبقہ یکطرفہ طورپر مالک مکان سے قانونی تعلق ختم نہیں کرسکتا، لاہور ہائیکورٹ

لاہور (کورٹ رپورٹر) لاہور ہائیکورٹ نے کرایہ داری سے متعلق اہم فیصلہ جاری کرتے ہوئے قرار دیا ہے کہ کرایہ دار یکطرفہ طور پر مالک
مکان کے ساتھ قانونی تعلق ختم نہیں کرسکتا اور کسی تیسرے شخص کے ملکیت کے دعوے کی بنیاد پر اصل مالک کو کرایہ دینے سے انکار نہیں کیا جا سکتا۔ سنگل بینچ نے شہری اعجاز حسین کی درخواست پر 6 صفحات پر مشتمل تحریری فیصلہ جاری کیا۔ عدالت نے اپیلٹ کورٹ کا فیصلہ کالعدم قرار دیتے ہوئے رینٹ ٹربیونل کی جانب سے تخلیے کا حکم بحال کر دیا اور کرایہ دار کو فوری طور پر مکان کا قبضہ مالک مکان کے حوالے کرنے کی ہدایت کی۔فیصلے کے مطابق سول دیوانی عدالت میں ملکیت کا تنازع زیر سماعت ہونے کے باوجود اصل مالک ہی کرائے داری کا حقدار رہتا ہے۔ کسی تیسرے شخص کے ملکیت کے دعوے کی بنیاد پر کرایہ دار اصل مالک کو کرایہ دینے سے نہیں روک سکتا۔