وفاق کا کردار والدین اور صوبے بچوں کی مانند ہیں،اختر اقبال ڈار

شیخوپورہ (بیورورپورٹ) تحریک انصاف نظریاتی کے چیئرمین اختر اقبال ڈار نے کہا ہے کہ وفاق کا کردار والدین کی مانند اور صوبے اکائیاں
بچوں کی مانند ہیں صوبہ کے پی کے میں گورنر راج اور ایمرجنسی نہ لگانے جیسی سوچ والدین کی شفقت اور پیار محبت کا مظہر ہے مگر صوبہ کے پی کے کے وزیراعلیٰ اور ذمہ داران گولی گالی گھیراؤ جلاؤ سے معاملات چلانا چاہیں گے تو پھر سخت اقدامات اور سخت فیصلے ناگزیر ہوجائیں گے اختر ڈار نے کہاکہ افغانستان،انڈیا،اسرائیلی اسلحہ اور امریکی بکتر بند گاڑیوں ڈرونز کے ساتھ پاکستان پر حملہ آور ہے کے پی کے میں دہشت گردی کا سماں ہے اور پاک فوج کے جوان دہشت گردی کا سامنا کرتے ہوئے جانوں کے نذرانے پیش کررہے ہیں اور شہدا کے والدین جنازے اٹھا رہے ہیں لہذا ایسی صورتحال میں پی ٹی آئی والوں کواپنے گھر کی بہتری کیلئے وفاق سے تعاون کرتے ہوئے فورسز کے ساتھ کھڑے ہوتے ہوئے تحریک طالبان کی مذمت کرتے ہوئے وفاق کے ساتھ مل کر دہشت گردی کا سامنا کرنا ہوگا اور گڈگورننس امن و امان ڈویلپمنٹ اداروں میں بہتر ی عوامی مشکلات کو کم کرنے پر توجہ مرکوز کرنا ہوگی وگرنہ وفاق اور صوبے کی لڑائی میں نقصان سب کا ہوگا۔