لاہور(آئی این پی )عارف والا میں لڑکی سے ملنے آنے والے آشنا کو بھائیوں نے قتل کر دیا ۔ تفصیل کے مطابق تھانہ احمد یار کے علاقہ میں لڑکی کو اس کے گھر جاکر ملنے والا آشنا لڑکی کے بھائیوں کے ہاتھوں قتل مقتول سعید لڑکی کو ملنے جاتا تھا جس کا شک لڑکی کے بھائیوں کو ہوگیا جس پر رات لڑکی کے بھائیوں نے آشنا کے آتے ہی کلہاڑیوں کے وار کردیئے ۔ پولیس نے لاش کو تحویل میں لیکر مزید تحقیقات شروع کردی ۔ دوسری جانب وہاڑی میں تھانہ ٹھینگی کی حدود میں انسانیت سوز واقعہ، مقامی قبرستان سے وفات شدگان میاں بیوی کی قبریں کھود کر انسانی اعضا نکال ل لئے گئے جبکہ انسانی اعضا نکالنے والے درندہ صفت انسان کو گرفتار کر لیا گیا ۔ ملزم کے قبضہ سے انسانی اعضا ہڈیاں ،دانت اور سر کے بال برآمد ہوئے ہیں۔ ملزم سے قبر کھودنے کے اوزارکے علاوہ چاقو چھریاں بھی برآمدہوئی ہیں۔ ملزم مبینہ طور پر آئس نشہ کا عادی ہے پہلے بھی متعدد دفعہ قبروں کی بے حرمتی کرچکا ہے۔ اہل علاقہ نے پولیس تھانہ ٹھینگی سے شفاف تحقیقات کا مطالبہ کیا ہے۔
