نیروبی(این این آئی)کینیا میں متعدد گاڑیوں کے تصادم کے نتیجہ میں 17 افراد ہلاک اور کئی زخمی ہو گئے ۔اماراتی نیوز ایجنسی نے کینیا کی نیشنل ٹرانسپورٹ اینڈ سیفٹی اتھارٹی کے حوالہ سے بتایا کہ حادثہ دارالحکومت نیروبی سے تقریبا 90 کلومیٹر جنوب مشرق میں واقع سالاما نامی علاقے میں پیش آیا ۔ یہ سڑک دارالحکومت کو ساحلی شہر ممباسا سے ملاتی ہے۔ہلاک ہونے والوں میں سے 14 افراد ایک منی بس میں ایک مذہبی مقام کی طرف جا رہے تھے ۔ اس منی بس کو پیچھے سے آنے والی ایک لاری نے ٹکر ماردی جسے قبل ازیں ایک اورگاڑی ٹکرا گئی تھی۔
