افغانستان میں تبدیلی ناگزیر اور بہت قریب ہے،گلبدین حکمت یار

لاہور(مانیٹرنگ ڈیسک) افغانستان کے سابق وزیراعظم اور حزب اسلامی افغانستان کے سربراہ گلبدین حکمت یار نے طالبان کی حکومت پر تنقید کرتے ہوئے مطالبہ کیا ہیکہ اقتدار افغان عوام کے حوالیکیا جائے، افغانستان میں تبدیلی ناگزیر ہے اور بہت قریب ہے۔غیرملکی میڈیا کے مطابق گلبدین حکمت یار نے اپنے حامیوں سے آن لائن خطاب کے دوران کہا کہ افغان عوام کو اپنے منتخب نمائندوں کے ذریعے ملک کے مستقبل کے سیاسی نظام اور حکومت کا فیصلہ کرنا چاہیے۔ اقتدار افغان عوام کو منتقل ہونا چاہیے تاکہ عوام ایک کونسل منتخب کرسکیں اور ملک کے مستقبل کے سیاسی نظام اور حکومت کا فیصلہ کر سکیں۔گلبدین حکمت یار کا کہنا تھا کہ ملکی اور خارجہ پالیسی، بجٹ، جنگ اور امن سے متعلق فیصلے منتخب اداروں کے ذریعے کیے جانے چاہئیں، عوام کی مرضی ہر آنے والے سیاسی نظام کی بنیاد ہونی چاہیے۔ان کا کہنا تھا کہ طالبان کو جنگ اور امن میں سیکسی ایک راستیکا انتخاب کرنا ہوگا، افغانستان میں تبدیلی ناگزیر ہے اور بہت قریب ہے، جس طرح سوویت یونین اور امریکا کی حمایت سے قائم ہونے والی حکومتیں زیادہ عرصے تک قائم نہیں رہ سکیں اسی طرح طالبان کی حکومت بھی برقرار نہیں رہ سکیگی۔سابق افغان وزیراعظم کا کہنا تھا کہ طالبان کی حکومت سیاسی طور پر تنہائی کا شکار ہے اور اپنے دعوں کے برعکس خطے اور دنیا میں اس کے حقیقی اور مستقل اتحادی موجود نہیں ہیں، جو ممالک پہلے طالبان کی حمایت کرتے تھے، اب وہ بھی ان کے ساتھ مکمل طور پر ہم آہنگ نہیں ہیں اور کوئی بھی ملک طالبان کو مکمل حمایت فراہم نہیں کر رہا۔افغان طالبان کو مخاطب کرتے ہوئیگلبدین حکمت یار نیکہا کہ جب آپ کہتے ہیں کہ افغانستان میں مخالفین کے لییکوئی جگہ نہیں تو پھر آپ کیلیے بھی جگہ نہیں ہونی چاہیے،کیونکہ آپ اب دوسروں کو برداشت نہیں کرسکتے۔انہوں نے مزید کہا کہ طالبان کی حکومت کے دوران افغان عوام بے روزگاری، بدامنی اور غربت سمیت مختلف سنگین مسائل کا سامنا کر رہے ہیں۔