صومالیہ میں شہید ہونیوالے پاکستانیوں کے لواحقین میں فی کس 2 کروڑ 60 لاکھ روپے کے چیک تقسیم

کراچی(ویب ڈیسک) گورنر سندھ نہال ہاشمی نے وزیراعظم کی خصوصی ہدایت پر وفاقی حکومت کی جانب سے صومالیہ میں شہید ہونے والے پاکستانیوں کے لواحقین میں فی کس 2 کروڑ 60 لاکھ روپے کے چیک تقسیم کیے۔اعلامیہ گورنر ہاوس کے مطابق گورنر سندھ نے شہدا کے لواحقین کو مالی معاونت اور پلاٹ کے لیے چیک پیش کیے۔ یہ چیک شہید محمود انصاری، شہید سید کاشف عمر اور شہید رف اللہ خان کے لواحقین کو دیے گئے۔اس موقع پر شہدا کے لواحقین نے وزیراعظم شہباز شریف اور حکومت پاکستان کا شکریہ ادا کیا۔ شہید رف اللہ خان کے بھائی نے کہا کہ حکومت نے مشکل کی گھڑی میں شہدا کے خاندانوں کا ساتھ دیا ہے۔ شہید سید کاشف عمر کے بیٹے اور شہید محمود انصاری کے لواحقین نے بھی وزیراعظم اور وفاقی حکومت سے اظہار تشکر کیا۔ لواحقین نے صومالیہ سے شہدا کی میتیں پاکستان واپس لانے کے لیے حکومت کی جانب سے کیے گئے اقدامات کو بھی سراہا۔