اسرائیلی فوج نے 7 اکتوبر کی برسی پر فلسطینیوں کی یادگاریں تباہ کر دیں

تل ابیب (این این آئی)فوج اور مقامی حکام کے مطابق حماس کے سات اکتوبر کے حملے کی تیسری برسی کے موقع پر اسرائیلی فوج نے پورے مغربیکنارے میں ان فلسطینیوں کی یادگاریں تباہ کر دیں جن پر اسرائیلیوں کو ہلاک کرنے کا الزام تھا یا جو جھڑپوں میں ہلاک ہوئے تھے۔فوجی ترجمان نے بتایا کہ فوج نے مقبوضہ مغربی کنارے میں دہشت گردوں کی یادگاریں تباہ کرنے کے لیے کارروائی کی تاہم انہوں نے اس اقدام کا تعلق حماس کے اسرائیل پر غیر معمولی حملے کی برسی سے نہیں جوڑا۔گورنری کی ترجمان ہالہ ابو بکر نے بتایا کہ فوجیوں نے جنین کے شمالی علاقے میں پتھر کی ایک یادگار تباہ کر دی اور یادگاری پوسٹرز ہٹا دیے۔ انہوں نے کہا، یاباد قصبے میں شہید یاسر ہمدونی کی یادگار تباہ کر دی گئی اور جنین شہر میں کئی مقامات سے مختلف شہدا کی تصاویر ہٹا دی گئیں۔