ٹیکسلا (نمائندہ خصوصی) نجی ہاسنگ سوسائٹی کے سامنے قبضہ مافیا کے پر امن احتجاج کی کوریج کرنے والے صحافیوں پر فیصل ہلز انتظامیہ کی جانب سے تشدد کے معاملہ پر تحصیل یونین آف جرنلسٹس ٹیکسلا واہ کینٹ کے صدر رشید مغل نے وزیر اعلی پنجاب، وزیر داخلہ اور آء جی پنجاب سے فوری نوٹس لینے کی اپیل کرتے ہوئے مطالبہ کیا ہے کہ جرنلسٹ پروٹیکشن ایکٹ کے تحت مقدمہ درج کیا جائے ہم نہ بلیک میلر ہیں نہ ہی بزدل ، پنجاب پولیس فیصل ہلز انتظامیہ کے سامنے اگر بے بس اور بے اختیار ہے تو ہمیں بتایا جائے کہ صحافیوں اور عوام کو تحفظ کون دے گا اور وہ انصاف کے لئے کہاں جائیں ، ٹی یو جے کے ہنگامی اجلاس کے بعد پریس کانفرنس کرتے ہوئے دیگر عہدیداران کے ہمراہ صدر رشید مغل نے کہا کہ فیصل ہلز انتظامیہ نے غیر ملکی غیر قانونی باشندوں کے ذریعے ظلم روا رکھا ہوا ہے یہ قانون نافذ کرنے والے حساس اداروں اور پولیس کے لئے کھلم کھلا چیلنج ہے ہم فیصل ہلز میں جامع مسجد کے افتتاح کی کووریج کے لئے گئے فیصل ہلز کے سی ای او نے خطبہ جمعہ دیا ہم نے نماز پڑھی واپسی پر فیصل ہلز کے مرکزی گیٹ کے سامنے کچھ متاثرین قبضہ مافیا کے خلاف احتجاج کررہے تھے جن کی کووریج کے لئے ہم رک گئے جو ہماری صحافتی زمہ داری تھی کچھ دیر بعد فیصل ہلز سے گاڑیوں پر سوار ڈنڈا بردار نقاب پوش آگئے ہمیں کووریج سے روکا گالیاں دیں اور ہم پر حملہ کردیا اس دوران مجھ سے میرا موبائل بھی چھین لیا گیا انہوں نے سامنے احتجاج کرنے والے متاثرین پر بھی ہلہ بولا ضعیف العمر افراد کو لاتیں گھونسے اور ڈنڈے مارے ، رشید مغل نے کہا کہ لگتا ہے کہ چوہدری مجید صاحب نے اپنی ریاست بنا رکھی ہے جس میں ان کے اپنے قوانین ہیں وہ بزرگ ہیں جمعہ کا خطبہ دینے کی بجائے یہ ظلم بند کریں کیونکہ اوپر رب کی ذات ہے جس کی بادشاہت ہے اس کے سامنے کیا جواب دیں گے رشید مغل نے کہا کہ ہم نہ بلیک میلر ہیں نہ بزدل ، نہ ہی کسی سے منتھلی لیتے ہیں منتھلیاں لینے والے ان کو غلط رپورٹ دے رہے ہیں ان کی باتوں پر نہ جائیں انشا اللہ وقت پڑنے پر ثابت کریں گے کہ پورے پاکستان کے صحافی ہمارے ساتھ ہیں ہم اپنے قائد افضل بٹ کی وطن واپسی کے منتظر ہیں رشید مغل نے وزیراعلی پنجاب مریم نواز شریف ، وزیر داخلہ اور آء جی پنجاب سے اپیل کی کہ اس معاملے کا فوری نوٹس لیں انہوں نے صحافیوں پر تشدد پر جرنلسٹ پروٹیکشن ایکٹ کے تحت مقدمہ درج کرنے کا مطالبہ کیا دوسری جانب تحصیل یونین آف جرنلسٹس ٹیکسلا واہ کینٹ کے ہنگامی اجلاس میں متفقہ قرارداد کی بھی منظوری دی گء جس میں اس واقعہ کی شدید مذمت کرتے ہوئے آء جی پنجاب سے جرنلسٹ پروٹیکشن ایکٹ کے تحت مقدمہ درج کرنے کا مطالبہ بھی کیا گیا قرارداد میں سیکورٹی اداروں اور پولیس کے اعلی افسران سے فیصل ہلز انتظامیہ کے پاس جرائم پیشہ غنڈی گرد ، غیر قانونی غیر ملکی باشندوں کی موجودگی کی بھی تحقیقات کا مطالبہ کیا گیا
